Artisti Mike Winkelmann, i njohur më mirë si Beeple , po shkakton trazira në Art Basel Miami Beach me veprën e tij Regular Animals.
Instalacioni, i ekspozuar në seksionin e ri të artit digjital, paraqet qen robotikë të pajisur me koka hiperrealiste që i ngjajnë manjatëve të teknologjisë si drejtori ekzekutiv i Tesla-s, Elon Musk, themeluesi i Amazon, Jeff Bezos dhe drejtori ekzekutiv i Meta-s, Mark Zuckerberg.
Të tjerë përfshijnë Pablo Picasso, Andy Warhol dhe vetë Winkelmann. Çdo robot kushtonte 100,000 dollarë dhe të gjithë u shitën gjatë premierës.
Sipas Beeple, çdo robot bën vazhdimisht fotografi të mjedisit përreth.
Imazhet e prodhuara interpretohen sipas stilit të secilit prej tyre.
“Kjo është Inteligjenca Artificiale. Ne do ta shohim botën gjithnjë e më shumë përmes Al. Ne gjithashtu po e shohim botën përmes lentes së artistëve dhe liderëve të teknologjisë si Elon Musk dhe Mark Zuckerberg, të cilët formësojnë atë që shohim, ndoshta më shumë se kushdo tjetër.”
