Në ditëlindjen e 70-të të Organizatës Veri-Atlantike (NATO), në shenjë falenderimi për kontributin e kësaj organizate në Kosovë, Qeveria e Kosovës ka ilustruar objektin qeveritar me llogon e saj.
Organizata Veri-Atlantike (NATO) kishte ndërhyrë gjatë luftës së Kosovës në vitin 1999, kur organizata kishte vendosur ta bombardonte Serbinë pas krimeve dhe gjenocidit serb gjatë dy viteve të luftës.
NATO ka 29 vende anëtare, derisa pas anëtarësimit të Shqiprisë e Maqedonisë edhe Kosova synon të anëtarësohet në këtë organizatë.
NATO-ja u themelua në prill të vitit 1949, pak vjet pas Luftës së Dytë Botërore dhe në prag të luftës së ftohtë.
Ajo bashkoi fillimisht 12 vende, të Evropës Perëndimore me Kanadanë dhe Shtetet e Bashkuara, për t’u vetëmbrojtur nga kërcënimi i Bashkimit Sovjetik.
