Në Francë, më shumë njerëz duhet të punojnë nga shtëpia për ta frenuar përhapjen e koronavirusit, tha Qeveria, duke shtuar se autoritetet do të futnin kontrolle dhe sanksione më të forta ndaj kompanive që nuk i respektojnë sa duhet masat.
Pas mbledhjes së Qeverisë, zëdhënësi Gabriel Attal u tha gazetarëve se situata po përkeqësohet në të gjithë vendin.
Përveç kësaj, ai tha se Qeveria mund të shtojë tre rajone të tjera në listën e saj të zonave të rrezikut që duhet të monitorohen nga afër, dhe për to futja e masave kufizuese është e mundur.
“Situata me epideminë është e keqe”, theksoi Attal.
Javën e kaluar, Qeveria mbylli Parisin dhe disa zona veriore për një muaj. Vështirësitë me importin e vaksinave dhe përhapja e varianteve shumë ngjitëse të koronavirusit e kanë detyruar pPresidentin Emmanuel Macron të marrë masa shtesë.
Në Francë, 4.3 milionë njerëz janë infektuar që nga fillimi i pandemisë dhe 93,065 kanë vdekur.
