Qeveria e Pakistanit dhe një parti islamike, e ndaluar me ligj, kanë arritur të dielën marrëveshje për t’i dhënë fund tubimit 10-ditor, ku është bërë thirrje për mbylljen e Ambasadës së Francës dhe për lirimin e liderit të partisë.
As ministri i Jashtëm i Pakistanit e as lideri fetar i partisë nuk kanë dhënë më shumë hollësi për marrëveshjen e prezantuar gjatë një konference për media në kryeqytetin Islamabad. Duke e quajtur fitore për Pakistanin dhe islamin, lideri fetar Rehman ka thënë se detaje të reja do të publikohen në ditën në vazhdim.
Mijëra mbështetës të partisë së ndaluar, Tehrek-e-Labiak kanë nisur më 22 tetor në Lahore marshimin drejt kryeqytetit pakistanez me kërkesën për dëbimin e ambasadorit francez për shkak të karikaturave të profetit Muhamed publikuar në Francë.
