Ambasadori i Shqipërisë në Britaninë e Madhe, Qirjako Qirko mohoi raportet, sipas të cilave Shqipëria po negocionte një marrëveshje me Londrën për të pritur emigrantët që kalojnë La Manshin me anije të vogla, sipas një interviste dhënë gazetarëve të ”The Guardian”, Matthew Weaver dhe Rajeev Syal, sipas https://www.theguardian.com/business/2021/oct/03/albanian-migrants-to-uk-would-work-for-free-to-tackle-fuel-crisis.
Tabloidi ”The Sun” tha se zyrtarët ishin pranë arritjes së një marrëveshjeje për një qendër përpunimi jashtë vendit.
Ministria e Brendshme britanike nuk e konfirmoi apo mohoi raportin.
Por, Qirko tha se nuk kishte pasur negociata.
”Ky është një lajm absolutisht dhe tërësisht i rremë. Plotësisht i rremë. Nuk ka diskutime dhe negociata. Jam i sigurt se Home Office do të reagojë dhe do ta mohojë këtë histori”, deklaroi Qirko./ATSH/
