Në telefonat e delegateve të PD-së kanë mbërritur mesazhe për të bojkotuar kuvendin e sotëm në “Air Albania”.
Në transmetimin Live që Ora News solli, një qytetar denoncoi mesazhin e mbërritur në telefonin e tij.
Në mesazh shkruhej “SHBA nuk bashkëpunon me Berishën. Pasoja për PD-në nëse ndjek një të shpallur “non grata”.
Nuk dihet se nga cili numër është dërguar mesazhi, pro qytetari thotë që ja kanë dërguar në orën 3 të mëngjesit. Qytetari e cilësoi shumë të drejtë lëvizjen e zotit Berisha.
Qytetarët të pyetur nga Ora News në transmetimin maratonë e kanë komentuar lëvizjen e Berishës shumë të drejtë dhe një lëvizje që ka zgjuar popullin nga gjumi.
Ndërsa një tjetër tha se rruga e Amerikës është e gabuar.
“Ne kemi një vërejtje për Escobarin, ai erdhi nga Amerika dhe shkoi hëngri bukë me të korruptuarit. Kjo nuk është Amerika e sotme, Amerika e sotme është në rrugë në gabuar sepse PD-ja e sotme nuk ka nevojë që t’i fusin hundët këta,” ishte reagimi i një qytetari të pyetur nga Ora News.
Në Kuvendin Air Albania ka nisur futja e delegatëve të Kuvendit Kombëtar të PD-së.
