Mot i ngrohtë, por edhe çmime më të larta për shërbimet e ushqimit, Ohri mirëpriti mysafirë vendas dhe të huaj për këtë 1 Maj. Disa erdhën për udhëtim njëditor, të tjerë për turne nëpër Ballkan ndërsa qytetarët e vendit gjetën mënyrë për ta vazhduar fundjavën. Ata e bashkuan ditën jo pune të 1 majit me ditën e punës nesër. Ka turistë nga çdo vend kurse kapacitetet e akomodimit janë të mbushura deri në 70%.
“Jam nga Uellsi dhe është hera ime e parë në Ohër. Është shumë qetësi, mot me diell dhe më pëlqen shumë. Do të qëndroj këtu 4 ditë. Fillimisht isha në Shqipëri, pastaj erdha këtu”, tha turist nga Uellsi.
“Vijmë nga Kratova. Jemi në Ohër për ditën e dytë. Do të qëndrojmë këtu për festat dhe do të shkojmë në Gjermani. Kemi ecur në disa vende, sot qëndruam në Ohër, na pëlqeu shumë. Mendoj se çmimet janë të njëjta si në Gjermani dhe Ohër. Pagat janë më të ulëta kurse çmimet më të larta”, tha një turist nga Maqedonia.
“Jam nga Greqia dhe është hera ime e dytë në Ohër. Do të qëndrojmë vetëm një ditë, do të nisemi nesër. Është shumë bukur. A janë çmimet në Ohër të larta për ju? Po, mendoj se është e shtrenjtë. Ndoshta është njësoj si në Greqi”, u shpreh një turist nga Greqia.
“Erdhëm në Ohër më 1 maj, do të qëndrojmë deri të shtunën. Vendosëm për Ohrin sepse na ka njohur që nga koha e Jugosllavisë. Vendi është shumë i bukur, i këndshëm dhe i ngrohtë”, tha një turist nga Serbia.
“Vendosëm të vijmë në Ohër sepse është më i bukuri në rajon. Kemi disa vite që vijmë këtu për 1 Maj. Çmimet janë pak më të larta, por prapëseprapë janë të pranueshme për ne”, theksoi një turist tjetër nga Serbia.
Megjithatë, mysafirët më të shumtë janë nga Turqia. Prania e tyre është e dukshme në çdo cep të qytetit. Disa qëndrojnë për dy ditë, të tjerë për një javë.
“Çmimi i prenotimit është rreth 1000 euro. Vitin e kaluar patëm shumë turistë, por patëm problem sepse nuk mundëm të gjenim ciceronë. Të paktën një agjenci ka 200 ture në vit kurse ka të paktën 10 agjenci. Më shtrenjtë ju duket në Mal të Zi. Kur duhet të paguajnë 3 euro për një kafe, ky është problem, por në Ohër është më lirë për ta”, theksoi Nihad Esan – ciceron turistik.
Gastronomët dhe pronarët e apartamenteve shpresojnë për sezon turistik të frytshëm kurse për Ohrin dhe Strugën vlen gjithmonë rregulli i pashkruar: sa do të jetë i mbushur qyteti më 1 maj, ashtu do të jetë edhe sezoni./Alsat/
