“Një nga udhëheqësit kryesorë të fushatës së Trump-it po ndihmon një politikan. Chris LaCivita po punon si konsulent politik për një parti opozitare shqiptare konservatore përpara zgjedhjeve parlamentare në maj.”. kështu shkruan e përditshmja e madhe amerikane ‘New York Times’.
LaCivita thotë për gazetën e njohur se po eksporton MAGA-n në Shqipëri. (MAGA: Make Albania Great Again”.
Ndërkohë La Civita thekson se kryeministri Edi Rama është një kukull e familjes Soros.
“Z. LaCivita po punon për Partinë Demokratike të Shqipërisë përpara zgjedhjeve parlamentare të vendit në maj, kur do të përpiqet të kapërcejë Partinë Socialiste të krahut të majtë në pushtet. Në mesazhet me tekst për ‘The Neë York Times’, zoti LaCivita e karakterizoi punën e tij si një zgjatje të ndihmës së tij për zotin Trump.
“Unë po eksportoj MAGA – Bëje Shqipërinë të Madhe përsëri!” shkruan LaCivita”.
Ai thotë se akuzat që i janë bërë zotit Sali Berisha nga Departamenti i Shtetit janë të motivuara politikisht.
“Z. LaCivita argumentoi se akuzat ndaj zotit Berisha ishin të motivuara politikisht dhe sugjeroi që përvoja e politikanit shqiptar përafrohet me atë të zotit Trump.
“Është një përshtatje e natyrshme – të mundësh një socialist që është një peng dhe kukull e familjes Soros,” tha zoti LaCivita,” shkruan gazeta.
