“Jemi Republikë parlamentare dhe jo Presidenciale”. Ky ka qenë lajmotivi kryesor në diskutimet e zhvilluara në mbledhjen e Kryesisë së Partisë Socialiste paraditen e kësaj të hëne.
Burime nga mbledhja bëjnë me dije se Rama ka deklaruar se vendimi i Presidentit për të anuluar datën e zgjedhjeve vendore ka qenë i pritshëm.
Edi Rama: Asgjë nuk na ndal të vijojmë përpara me 30 qershorin. Të enjten do të zhvillohet një debat shumë i gjatë parlamentar, ku do të shpalosim të gjitha argumentat kundër këtij vendimi të presidentit.
Të njëjtat burime bëjnë me dije se Rama është shprehur se seanca plenare e të enjtes do të finalizohet me një rezolutë për shkarkimin e Presidentit.
Edi Rama: Pas debatit, çështja do të diskutohet në KQZ dhe më pas do të kalojë në Kolegj.
Nga ana tjetër porosia e tij ka qenë e qartë që të vazhdohet me fushatën zgjedhore.
Edi Rama: Duhet të fokusohemi te 30 qershori. Jemi në mes të lojës. Fokusi jonë duhet të jetë 30 qershori.
/Ora News.tv/
