Kryeministri i Shqipërisë, Edi Rama i shoqëruar nga bashkëshortja e tij Linda Rama ka shkuar të hedhë votën e tij në qendrën e votimit në Surrel. Ai është shfaqur me një veshje aspak të zakontë.
Ai mban veshur xhaketë dhe një palë pantallona të shkurtra dhe çorape të ngritura afër gjurit. Gjithashtu e dhe bashkëshortja e tij ka befasuar me veshjen aspak zyrtare.
Pasi daljes nga Qendra e Votimit, kryeministri Edi Rama tha se këto zgjedhje janë për Shqipërinë që duam dhe e rëndësishme që çdo qytetarë por të respektojë të drejtën e kujtdo për të votuar ose për të mos votuar.
“Sot është shumë e rëndësishme Shqipëria dhe mësimi historik që kjo ditë do të ju japë të gjithëve se sa vota për njërin apo për tjetrin që është e fshehtë. Besoj se kjo ditë konfirmon njëherë përgjithmonë se me popullin nuk luhet. Sovraniteti i popullit nuk është një fjalë boshe dhe kush tenton t’ia marrë popullit sovranitetin, nuk ka asnjë fund tjetër përveç se fundit me dështim dhe me turp.
E rëndësishme që çdo qytetarë të votojë ose të mos votojë, por të respektojë të drejtën e kujtdo për të votuar ose për të mos votuar. Historia e solli që këto zgjedhje, janë zgjedhje për Shqipërinë që duam për të gjithë fëmijët tanë. Jam i bindur se sot në Shqipëri po ndodh diçka historike dhe kurrë më interesat e një palë apo hesapet e politikës nuk do të mund të bien ndesh me interesin kombëtar”, tha Rama.
