I pyetur nëse do ketë apo jo një paketë të tretë të ndihmës ekonomike, kryeministri Edi Rama u shpreh se nuk do të ketë paketë tjetër, madje mohoi se e ka thënë një gjë të tillë.
“Nuk e kam thënë asnjëherë që do të ketë. Unë nuk numëroj miliona në televizor, por shoh shifrat konkrete dhe disbursimet të të gjitha vendeve. Deklaroi edhe Serbia që ishte edhe më e madhe se e gjithë botës, se ishte para zgjedhjeve, por çfarë u ka shkuar qytetarëve në xhep është komplet tjetër nga ajo. E çfarë janë nga ato shifra kredi e çfarë janë pagesa direkte është një gjë krejt tjetër”, tha ai.
