Vijon edhe sot takimi mes 3 liderëve, kryeministrit Edi Rama, presidentit Aleksandër Vuçiç dhe kryeministrit të Maqedonisë së Veriut, Zoran Zaev, në kuadër të nismës ‘Ballkani i Hapur’. Ka qenë i zoti i shtëpisë, Edi Rama që ka pritur në Pallatin e Brigadave Vuçiç dhe Zaev.
Rama ka qëndruar për gati 10 minuta përpara në oborrin e pallatit të Brigadave derisa kanë mbërritur të ftuarit e tij.
Më pas të tre së bashku kanë ngjitur shkallët ku kanë realizuar një foto të përbashkët. Takimi do të pasohet nga një konferencë e përbashkët në orën 09:30.
Teksa dje takimi i parë u mbajt në Elbasan, dita e sotme do të jetë më intensive me takime dhe konferencë për shtyp të tre zyrtarëve të lartë.
