Kryeministri i Shqipërisë, Edi Rama, ka shtangur të gjithë me një video që e ka shpërndarë në rrjetet sociale. Rama ka publikuar një hartë në të cilën Kosova figuron brenda kufijve të Serbisë.
“Me hartën e investimeve për sigurimin e furnizimit 24 orë me ujë në zonat rurale të vendit nga veriu në jug, ju uroj një ditë të mbarë”, ka shkruar Rama.
Por, ajo që shqetëson, në hartën që e ka përdorur Rama, territori i Republikës së Kosovës është lënë brenda kufijve të Serbisë.
Fotografia është shpërndarë në rrjete sociale dhe ka ngjallë edhe reagime. Një prej tyre është Arben Gashi nga LDK.
Por pas reagimeve, duket se Rama ka ndërhyrë në postime. Në profilin e tij gjendet vetëm një video, me foto ndryshe nga ato të mëparshmet, madje, ndryshon edhe ora e postimeve.
