Numri i të infektuarve me Covid-19 në vend po njeh rritje javët e fundit, ndërsa është shtuar edhe numri i viktimave.
Por teksa opozita dhe jo vetëm e akuzojnë qeverinë për keqmenaxhim të situatës së pandemisë, kryeministri Edi Rama mendon krejt ndryshe.
Përmes një postimi në Facebook, shefi i qeverisë mburret me punën e kryer deri tani.
Sipas tij, sa i përket infektimeve dhe vdekjeve Shqipëria është më e mira në rajon, ndërsa shton se spitalet tona nuk kanë asgjë më pak se ato nëpër Europë.
“Infektime nën mesataren e rajonit. Humbje jete nën mesataren e rajonit. Spitalet Covid asgjë mangut nga kudoqoftë tjetër nëpër Europë. Mjekë e infermierë të palodhur. Qeveri në krye të detyrës
Me BESIM dhe DURIM do ta kalojmë edhe këtë sprovë të jashtëzakonshme”, shkruan Rama në postimin e tij.
