Kryeministri Edi Rama ka zhvilluar një takim zyrtar në Doha me Kryeministrin dhe Ministrin e Punëve të Jashtme të Katarit, Sheikh Mohammad bin Abdulrahman bin Jassim Al Thani.
Në një postim në Facebook, ku ka ndarë edhe pamje nga takimi i zhvilluar në rezidencën e homologut të tij, Rama shkruan se bisedimet u fokusuan në thellimin e bashkëpunimit mes dy vendeve dhe në projekte të rëndësishme për Shqipërinë.
“Doha, Katar – Në rezidencën e Kryeministrit dhe Ministrit të Punëve të Jashtme të Katarit, Sheikh Mohammad bin Abdulrahman bin Jassim Al Thani, ku biseduam për thellimin e bashkëpunimit dhe disa projekte me peshë të rëndësishme për Shqipërinë”, shkruan Rama.
Në këtë vizitë në Doha, numri një i qeverisë shoqërohet edhe nga Ministri i Financave, Petrit Malaj si edhe nga Ministri i Shtetit për Pushtetin Vendor, Ervin Demo.
