Ish-kryeministri Sali Berisha nga foltorja e Kuvendit iu referua krahasimit që një gazetar gjerman i bëri kryeministrit Edi Rama, si kryeministri më i mirë i Serbisë pas Nikola Pashiq.
Sipas Berishës, ky është një krahasim damkosës, por edhe kuptim plotë.
Berisha u shpreh se pasi dështoi me ndarjen e Kosovës, kryeministri shqiptar mbështeti projektin ruso-serb të Ballkanit të Hapur.
“Çdo shqiptar sot duhet të ndihet tmerrësisht i lënduar. Dy ditë më parë, njëri nga gazetarët më të shquar të botës gjermane do të bënte krahasimin e shekullit historinë e Ballkanit.
Gazetari Michael Martens do të cilësonte Edi Ramën si kryeministrin më të mirë të Serbisë, pas Nikola Pashiq.
Nuk ka në historinë e Ballkanit, të Rajonit një krahasim damkosës si ky dhe më kuptimplotë.
Nikolla Pashiq është kryeministri i shekullit për serbet në kuptimin e serbomadhisë.
Pashiq është kryeministri më kruel, më i pamëshirë, mizor dhe barbar kundër shqiptarëve.
Michael Martens gjen Edi Ramën 100% të krahasueshëm sepse Edi Rama nga dita që erdhi në pushtet, deri në datën 24-25 shtator u bë avokat kryesor i të gjitha projekteve të serbomadhisë. U bë po aq armik i shqiptarëve të Kosovës dhe kombit shqiptar sa vetë Vucic.
Edi Rama pas vizitës së tij në Beograd, në mënyrën më presistente, u angazhua për realizimin e projektit të copëtimit të Kosovës.
Ndaj dhe Michael Martens thotë se pas Pashiqit, është kryeministri më i mirë i Serbisë.
Edi Rama pasi dështoi në projektin e ndarjes së Kosovës si argat i Vucicit u angazhua për projektin Ruso-Serb të Ballkanit të Hapur.
A ka argat më të shpifur se ky njeri? A ka njëri albanofobb me të egër se Edi Rama.
Rama u vërsul gjatë këtij viti me tërbimin më të madh kundër udhëheqjes së Kosovës. Shpalli skenar imagjinarë, Donbasër dhe cdo gjë tjetër që urdhëronte padroni i tij në Beograd, Vucic. I shpalli ato jashtë çdo konteksti. Veriu i Kosovës nuk kufizohet me Rusinë.
Rama del dhe kërkon atë që kërkonte Vuçiçi dhe Lavrovi, konferencën ndërkombëtare për Kosovën”, tha Berisha.
