Një virus misterioz, i cili shkakton ethe të larta dhe kollë me gjak, është raportuar së fundmi në disa qytete të Rusisë.
Sipas mediave lokale dhe postimeve në rrjetet sociale, sëmundja fillon me simptoma të ngjashme me Covid-in, por brenda pesë ditëve përparon në temperaturë të lartë dhe kollë të përgjakshme.
Pacientët e prekur kanë rezultuar negativë për Covid dhe grip, ndërsa mjekët po e diagnostikojnë si një infeksion akut të traktit të sipërm respirator me origjinë të paspecifikuar.
Fillimisht, lajmi u raportua në grupin Telegram SHOT, i cili dyshohet se përfshin anëtarë të agjencive federale ruse, dhe më pas u publikua nga mediat lokale.
Ndërkohë, autoritetet ruse të shëndetësisë kanë mohuar ekzistencën e një shpërthimi të tillë, duke deklaruar se nuk ka asnjë provë për një virus të ri ose të paidentifikuar në qarkullim.
