Organizata Botërore e Shëndetit (OBSH) tha se pret që numri i rasteve të Covid-19 të arrijë në 10 milion brenda javës tjetër.
“Deri më tani në OBSH janë raportuar më shumë se 9.1 milion raste të Covid-19 dhe më shumë se 470,000 vdekje”, tha drejtuesi i shëndetësisë, Dr Tedros Adhanom Ghebreyesus, para gazetarëve në Gjenevë.
“Në muajin e parë të këtij shpërthimi, janë raportuar më pak se 10,000 raste. Në muajin e fundit, janë raportuar pothuajse katër milion raste.
“Ne presim të arrijmë në total 10 milion raste brenda javës së ardhshme.”
Ai e quajti atë një “rikujtesë të matur” të “përgjegjësisë sonë urgjente për të bërë gjithçka që mundemi… për të frenuar transmetimin dhe për të shpëtuar jetë”./BBC
