Rastet e COVID-19 janë rikthyer në Britani.
Një në çdo 16 njerëz në Angli dhe Uells është i infektuar, para planeve të Qeverisë për të hequr testimin falas javën e ardhshme.
Agjencia e Sigurisë Shëndetësore në Mbretërinë e Bashkuar gjeti raste kur versionet e vjetra dhe të reja të Omicron – BA.1 dhe BA.2 – janë kombinuar për të formuar një variant të ri.
Mutanti mund të përhapet dhjetë për qind më shpejt se lloji aktual, por shkencëtarët thonë se janë ende duke e studiuar atë.
Statistikat e fundit tregojnë se mbi 300 mijë njerëz po infektohen me koronavirus çdo ditë, shkruan The Sun.
Kritikët e qeverisë u kërkuan ministrave që të mos heqin dorë nga testimi publik javën e ardhshme.
