Një ngjarje epike ka ndodhur në elitën e futbollit kanadez në ndeshjen mes Valor FC dhe HFX Wanderers.
Sulmuesi William Akio ka qenë protagonist, por jo si çdo herë me golat e shënuar.
Kësaj radhe kanadezi është bërë viral në gjithë botën pasi ia ka mohuar golin bashkëlojtarit të tij Alessandro Riggi, duke e hequr topin që po shkonte drejt rrjetës nga vija fatale e golit kundërshtar.
E gjitha ka ndodhur në minutën e 17-të të ndeshjes, kur Riggi pasi kaloi edhe portierit lëshoi topin që po shkonte drejt portës, derisa Akio e hoqi atë nga vija fatale duke shkaktuar polemika të mëdha tek bashkëlojtarët e tij.
Akio tani është bërë viral në rrjetet sociale, ku shumica nga komentet kanë qenë epike duke shkruar se sulmuesi ka xhelozuar për shokun e skuadrës.
Gjithsesi e mira ndodhi gjashtë minuta para fundit, kur Dyer shënoi për t’i dhënë fitoren minimale 1-0 Valor ndaj HFX Wanderers.
