Ish-ministrja e Integrimit, Klajda Gjosha ka reaguar në lidhje me deklaratën e raporterit për Lirinë e Medias në Asamblenë Parlamentare të Këshillit të Evropës, Stefan Schennah.
Ky i fundit ka kërkuar nga Kuvendi i Shqipërisë tërheqjen nga Ligji i Shpifjes. Gjosha ka shkruar se liria e medias është një kusht i rëndësishëm për integrimin e Shqipërisë drejt BE, teksa ka shtuar se cënimi i fjalës së lirë është përpjekje për izolim.
“Raporteri për Lirinë e Medias në Asamblenë Parlamentare të Këshillit të Evropës, Stefan Schennah, i ka bërë thirrje sot Kuvendit të Shqipërisë për të hequr dorë nga ndryshimet që Kryeministri ka propozuar për ligjin e shpifjes.
Rikujtoj se liria e medias është një kusht i rëndësishëm i procesit të integrimit të Shqipërisë por edhe një tregues i nivelit të demokracisë në vend. Cdo përpjekje për të cënuar lirinë e fjalës, është një përpjekje për të izoluar Shqipërinë!”, ka shkruar Gjosha.
