Partia Demokratike ka reaguar lidhur me disa lajme që kanë qarkulluar sot kundrejt mbledhjes së Kryesisë së Grupit Parlamentar
PD bën me doje se kryetari Basha nuk e ka etiketuar anëtarësinë, si antiamerikane, duke shtuar se ky është një keqpërdorim i qëllimshëm.
Në deklaratë shtohet se Basha ka thënë se Shtetet e Bashkuara të Amerikës kanë qenë, janë dhe do të jenë aleati i Partisë Demokratike.
PD: Kryetari i Partisë Demokratike në asnjë moment nuk e ka etiketuar anëtarësinë, që është shpirti i PD-së, si antiamerikane. Ky është një trillim i qëllimshëm nga ata që prej kohësh keqpërdorin gjithçka për interesa personale.
Z. Basha ka thënë se Shtetet e Bashkuara të Amerikës kanë qenë, janë dhe do të jenë aleati i Partisë Demokratike për një Shqipëri të zhvilluar dhe demokratike dhe askush nuk mund ta cenojë aleancën dhe partneritetin mes Partisë Demokratike dhe SHBA-ve.