Real Madridi ka barazuar pa gola me Betisin, duke bërë hap mbrapa në garën për titull, në ndeshjen e vlefshme për xhiron e 32-të në La Liga.
Skuadra e Zinedine Zidane nuk arriti të shfrytëzonte rastet e shumta përgjatë 90 minutave, duke mos arritur të çante mbrojtjen e ngjeshur të mysafirëve.
Ky barazim e mban Realin në pozitën e dytë me 71 pikë, dy më pak se liderja Atletico që ka një ndeshje më pak. Barcelona në vendin e tretë ka 68 pikë por ka dy ndeshje më pak se Reali.
Betis ndërkohë në vendin e gjashtë tubon 50 pikë.
