Real Madridi ka kaluar në çerekfinale të Kupës së Mbretit në Spanjë.
Madrilenët të enjten në mbrëmje, me shumë vështirësi, eliminuan nga gara Elchen vetëm pas vazhdimeve dy herë nga 15 minuta. Fituan me rezultatin 2:1 me përmbysje të rezultatit.
Madrilenët madje ishin edhe afër eliminimit. Fillimisht me karton të kuq u ndëshkua braziliani Marcelo. Më pas, e panë veten në disavantazh në minutën e 103-të kur realizoi mbrojtësi Gonzalo Verdu.
Madrilenët falë përvojës e lojtarëve më cilësorë, fituan me dy gola të shpejtë. Isco në minutën e 108-të dhe Eden Hazard në minutën e 115-të rikthyen rezultatin në të mirë të skuadrës që udhëhiqet nga Carlo Ancelotti.
Krejt në fund të ndeshjes me kartonin e dytë të verdhë u ndëshkua Pere Milla i vendësve.