Real Madrid ka bërë hap fals atëherë kur nuk pritej. Kryesuesit e kampionatit spanjoll barazuan 1-1 ndaj Girona, në “Santiago Bernabeu”, dhe tashmë e shohin veten me vetëm 1 pikë avantazh ndaj Barcelonës.
Pas një pjese të parë jo shumë të mirë për skuadrën e Carlo Ancelotti, ku Girona madje goditi edhe traversën, në pjesën e dytë u duk se ndeshja u zgjidh me golin e Vinicius (70’).
Por, 10 minuta më vonë, një 11-metërsh shumë i dyshimtë, i akorduar me VAR, çoi në golin e barazimit të Girona, me autor veteranin Stuani.
Të shtunën, Barcelona mori 3 pikë të vlefshme në transfertë ndaj Valencias, me një gol të shënuar në minutën e 93-të nga Robert Lewandowski.
