Futbollistët e Real Madridit kanë mundësi që sonte të sigurojnë titullin në La Ligën e Spanjës, pasi që kanë nevojë të shënojnë fitore në terrenin vendas ndaj Viljarealit.
“Mbretërit” kanë 4 pikë më shumë se Barcelona dhe në prag të festës së titullit në Spanjë. Mysafirët nuk kanë gjasa që të sigurojnë garat në Ligën e Kampionëve, por kanë nevojë për pikë që të afrohen më shumë garave në grupe në Ligën Evropë.
Të përzgjedhurit e Zinedin Zidanit, shënuan fitore në 8 takimet dhe nuk lejuan që Barcelna të kthehet në garën për titull. Eksperti francez ka në dispozocion të gjithë futbollistët, përveç Marsellos, ndërsa te Viljareali mungojnë Baka, Barbosa, Guera dhe Mori, andaj pritet që Reali të fitojë titullin e 34 në La Liga.