Të gjitha mediat e huaja i kanë kthyer sytë nga Riviera Shqiptare dhe jo rastësisht. Janë peizazhet mahnitëse të krijuara nga malet, terreni shkëmbor dhe ujërat e thellë e të kristaltë, ato që e bëjnë këtë hapësirë të lakmuar jo vetëm nga vendasit, por gjithmonë e më shumë edhe nga turistët e huaj.
Revista franceze “Figaro Nautisme” ka listuar 7 vendet më mahnitëse të Rivierës Shqiptare.
Destinacioni i parë që listohet është ai i Vlorës, i cili ka gjire të egra dhe limane me ujëra të pastër kristal. Turistët mund të vijojnë drejt qytezës së bukur të Orikumit.
![](https://tvklan.al/wp-content/uploads/2024/05/Orikum.jpg)
![](https://tvklan.al/wp-content/uploads/2024/05/Orikum.jpg)
Këtu turistët do të mund të shijojnë një pamje panoramike që ofrojnë pyjet e larta deri në mbi 2000 metra mbi nivelin e detit.
![](https://tvklan.al/wp-content/uploads/2024/05/Dhermi-3.jpg)
![](https://tvklan.al/wp-content/uploads/2024/05/Dhermi-3.jpg)
Në shkrim përmendet edhe Dhërmiu, Jala dhe Lukova, që i vlerëson për peizazhet dhe plazhet e bukura.
![](https://tvklan.al/wp-content/uploads/2024/05/Jale.jpg)
![](https://tvklan.al/wp-content/uploads/2024/05/Jale.jpg)
Vijon me qytetin e Sarandës, që ndodhet pikërisht përballë ishullit të Korfuzit. Afër këtij qyteti ndodhet Ksamili ku turistët e huaj do të mund të çlodhen në plazhet e mrekullueshme dhe të notojnë afër ishujve të tij.
![](https://tvklan.al/wp-content/uploads/2024/05/Sarande.jpg)
![](https://tvklan.al/wp-content/uploads/2024/05/Sarande.jpg)
Artikulli përfundon me Butrintin, një park kombëtar dhe vend arkeologjik, i cili do t’i njohë turistët me historinë e largët të vendit.
![](https://tvklan.al/wp-content/uploads/2024/05/butrint.jpg)
![](https://tvklan.al/wp-content/uploads/2024/05/butrint.jpg)
Për median franceze ky sit arkeologjik është ideali për të përfunduar udhëtimin në Rivierën Shqiptare. Shqipëria nuk është prekur ende nga turizmi masiv, por po tërheq gjithnjë e më shumë turistë që kërkojnë udhëtime të orientuara drejt natyrës dhe kulturës.