Bizneset e vogla, dyqanet e librave, të biçikletave dhe shitjet e makinave në Gjermani do të rihapin aktivitetet e tyre.
Duke filluar nga dita e sotme, dyqanet prej 800 metrash katrorë dhe më poshtë iu dha drita jeshile për të rifilluar tregtinë, ndërsa qytetarëve u është këshilluar që të mbajnë maska kur ndodhen në dyqane apo kur përdorin transportin publik.
Masat e distancës sociale do të mbeten në fuqi.
Nga 4 maj, shkollat do të fillojnë të rihapen, ndërsa tubimet më të mëdha dhe institucionet fetare do të qëndrojnë mbyllur deri në fund të gushtit.
Baret, kafenetë, restorantet dhe kinematë gjithashtu do të mbeten të mbyllura.
Gjermania gjithashtu ka filluar testimin masiv të antitrupave në mënyrë që të kuptojë se sa është përhapur sëmundja, dhe të vazhdojë të monitorojë zhvillimin e saj.
Profesori i mikrobiologut Timo Ulrich tha për Euronews se me lehtësimin e kufizimeve, shkencëtarët do të monitorojnë nga afër infeksionet për të shmangur mundësinë e një rritje të mëtejshme në raste të reja.
Ai tha: “Ne do të donim të mbanim gjithçka ashtu siç është – që të kemi një rënie të numrit të përgjithshëm të personave të infektuar në mënyrë që të kemi paksa nën kontroll të gjithë situatës.
“Dhe nëse do kemi këtë lehtësim të kufizimeve, do e bëjmë atë hap pas hapi.
“Problemi i kësaj janë shtetet tona federale – 16 shtetet – e bëjnë atë pak më ndryshe nga njëri-tjetri dhe ne duhet të vëzhgojmë me kujdes se si rihapja e dyqaneve dhe shkollave do të ketë në ndikimin e numrave epidemiologjikë.”
Prandaj, testimi i mëtejshëm mund të ndihmojë në monitorimin e situatës më mirë me shpresën për të shmangur rivendosjen e kufizimeve të rrepta dhe një kulm të dytë të COVID-19.
Gjermania ka konfirmuar më shumë se 145,000 raste pozitive, teksa më shumë se 4500 njerëz kanë humbur jetën e tyre, sipas të dhënave nga Universiteti Johns Hopkins./bota.al/
