Ndihmëssekretari amerikan i shtetit për Evropë dhe Euroazi, Filip Riker, ka thënë se vendimet e Uashingtonit për emërimin e dy Përfaqësuesve Specialë tregojnë se dialogu Kosovë-Serbi është një prej prioriteteve të Shtëpisë së Bardhë
“Me emërimin e Grenellit si Përfaqësues Special i Shtëpisë së Bardhë dhe Matthew Palmerit nga Sekretari i Shtetit, Uashingtoni tregoni edhe një herë se ajo çështje është prioritet për diplomacinë e SHBA-së”, ka thënë Riker, shkruan N1, transmeton Gazeta Express.
Riker, gjithashtu, ka folur edhe për marrëveshjet e arritura nga Beogradi dhe Prishtina për të rikthyer fluturimet direkte, bisedime këto që po ndërmjetësohet nga Përfaqësuesi Special për dialogun, Richard Grenell.
Sipas tij, një marrëveshje e tillë është një hap praktik për të rikthyer investimet, turizmin dhe lidhjet mes njerëzve.
Riker ka thënë se Grenellit i ka bërë edhe një pyetje, se çfarë do të bëjë tjetër pas marrëveshjeve për linjën ajrore dhe atë hekurudhore.
“Është një hap praktik që do të mundësojë investimet, turizmin, lidhjet biznesore dhe mes njerëzve. Ka pasur gjithashtu bisedimet për hekurudhat. Siç i kam thënë Richard Grenellit- Çfarë do të shohim tjetër?”, ka thënë Riker.
