Rikthimi në ring i Deontey Wilder zgjati vetëm tre minuta. Ajo që ndodhi në mbrëmjen e boksit në Bruklin ishte e pabesueshme. Ish-kampioni i botës për peshat e rënda në versionin WBC, u tregua i pamëshirshëm ndaj rivalit Helenius.
Wilder i mjaftuan vetëm 2 minuta e 57 sekonda për të hedhur në tapet finlandezin, i cili ka qenë edhe dy herë kampion i Europës.
E djathta e fortë e amerikanit u shoqërua nga imazhet rrëqethëse ku Helenius qëndronte i shtrirë në ring dhe kishte humbur plotësisht vetëdijen.
