Një shtetas malazez po ndiqet penalisht për veprën penale “Mosdeklarimi në kufi i të hollave dhe i sendeve me vlerë”.
Sipas njoftimit të policisë, 30-vjeçari me iniciale A. T. u ndalua në Aeroportin e Rinasit pasi tentoi të kalonte kufirin me 12 480 franga zvicerane dhe 900 euro, të padeklaruara.
“Gjatë kontrollit, këtij shtetasi i janë gjetur të fshehura në trup dhe në çantën e dorës, 12 480 franga zvicerane dhe 900 euro, të cilat ai nuk i kishte deklaruar në kufi, sipas përcaktimeve ligjore në fuqi”, njofton policia.
Policia sekuestroi shumën e parave në cilësinë e provës materiale dhe nisi procedimi në gjendje të lirë për shtetasin malazez.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
