Torino interesohet për shërbimet e Marash Kumbullës.
Pasi shitën Bremer tek Juventus, klubi torinez po kërkon një zëvendësues të denjë për mbrojtësin dhe emri më i përfolur është ai i shqiptarit, Marash Kumbulla.
Torinezët synojnë të afrojnë në skuadër 22-vjeçarin, teksa propozojnë një huazim me të drejtë blerjeje.
Gjithsesi, trajneri i Romës, Jose Mourinho, e ka bërë të qartë se futbollisti shqiptar nuk është në shitje.
Sipas portugezit, Kumbulla shihet si pjesë e rëndësishme e skuadrës në sezonin e ri. Vitin e kaluar, mbrojtësi luajti 28 ndeshje me fanellën verdhekuqe dhe shënoi 1 gol.
