Miliarderi rus, Roman Abramoviç është i gatshëm për të marrë oferta për shitjen e Çelsit pas presoni në rritje ndaj tij pas pushtimit të Ukrainës, raporton ESPN ndërsa lajmin e konfirmon dhe BBC.
Një nga zviceranët më të pasur dhe më me ndikim, 86-vjeçari Hansjörg Wyss, i cili jeton në SHBA gjatë një interviste për “Blick” ka treguar se po mendon për të blerë ekipin e Premier League.
Rusi 55-vjeçar është përpjekur që të ndajë ekipit nga sanksione të mundshme ndaj tij nga qeveria e Mbretërisë së Bashkuar duke ia kaluar organizatës së tij bamirëse.
Kërkesa ende nuk është miratuar pasi ka shqetësime se një fondacion bamirës nuk është i përshtatshëm për të drejtuar një ekip futbolli.
Ndërkohë, Abramoviç po shqyrton seriozisht mundësinë për ta shitur Çelsin, pasi qeveria britanike ka rritur presionin për ngrirjen e pasurive të tij që kanë lidhje me Vladimir Putin.
Abramoviç gjithnjë ka mohuar në mënyrë kategorike që të ketë lidhje me regjimin e Putinit.
Miliarderi rus e bleu Çelsin në 2003 për 140 milionë paund. Pavarësisht trofeve, ekipi është me humbje pasi ka 1.5 miliardë paund hua nga kompani të tjera të Abramoviç.
Sipas ESPN, Abramoviç u ka thënë blerësve potencialë në të kaluarën se e vlerëson klubin 3 miliardë paund.
