Juventusi do të përballet me Barcelonë nesër mbrëma në Ligën e Kampionëve, ndërsa Cristiano Ronaldo në këtë ndeshje do të synojë të shënojë golin e parë në “Champions” kundër Lionel Messit.
Ylli portugez i ka realizuar 750 gola në karrierë dhe është golashënuesi më i mirë në Ligën e Kampionëve.
Ronaldo kurrë nuk ka shënuar kundër Lionel Messit në një ndeshje të Ligës së Kampionëve. Ndërkohë argjentinasi Mesi i ka realizuar tre gola në pesë ndeshje.
Dyshja do të takohet nesër në “Camp Nou” dhe do të jetë përballja e parë mes tyre që kur Ronaldo u largua nga Reali dhe iu bashkua Juventusit në verën e vitit 2018.
Ronaldo mungoi në ndeshjen e parë në grup në Torino në tetor kundër Barcelonës, pasi kishte rezultuar pozitiv me koronasvirus.
Ronaldo dhe Messi kanë luajtur 33 ndeshje kundër njëri-tjetrit. Argjentinasi i ka fituar 15 prej tyre dhe i ka shënuar 21 gola. Ronaldo i ka shënuar 18 gola dhe i ka fituar nëtë ndeshje në të gjitha garat deri më tash kundër Barcelonës.
