Cristiano Ronaldo është bërë vetëm lojtari i pestë që i shënon të paktën 32 gola në Serie A brenda një viti kalendarik dhe i pari që prej Omar Sivorit i cili e kishte arritur këtë rekord më 1961.
Sulmuesi portugez i shënoi dy gola për t’i ndihmuar Juventusit ta mposhtë Parmën bindshëm 4:0 të shtunën në stadiumin Tardini.
Falë atyre dy golave, Ronaldo e arriti shifrën e 32 golave brenda vitit 2020 në Serie A dhe e ka edhe një ndeshje për ta zhvilluar deri në përfundim të këtij viti.
Ajo ndeshje ia mundëson atij ta barazojë rekordin e Stefano Nyers, i cili në vitin 1951 i kishte shënuar 33 gola.
Megjithatë, rekordi përfundimtar i takon Felice Borelit, i cili i kishte shënuar 41 gola në vitin 1933, i ndjekur nga Gunnar Nordahl me 36 gola në vitin 1950.
Ronaldo ia doli t’i shënojë 32 gola në vetëm 28 paraqitje në Serie A./Gazeta Express/
