Sulmuesi i Juventusit, Cristiano Ronaldo, është shpallur nga “Globe Soccer Awards” si lojtarë më i mirë i shekullit.
Ronaldo është nderuar për karrierën e tij që ka bërë nga vitit 2001 deri në vitin 2020.
Sulmuesi 35-vjeçar gjatë karrierës së tij ka luajtur për skuadra si Sportingu i Lisbonës, Manchester United, Real Madridit dhe aktualisht luan te Juventusi.
Pesë herë fituesi i Topit të Artë po ashtu ka shijuar suksese edhe me kombëtaren e Portugalisë.
Në këtë ceremoni u shpërblye edhe sulmuesi i Bayern Munichut, Robert Lewandowski, duke fituar çmimin si lojtar i vitit, pas sukseseve të mëdha që kishte me ekipin gjerman.
