Ish-banorja e Big brother VIP 3, Roza Lati nuk ka ndërruar mendim edhe pas përfundimit të Big Brother Vip për fiteusen e këtij edicioni me të cilën kishte konflikte brenda shtëpisë, Egla Ceno.
Pjesë e panelit të Top Arena mbrëmjen e kaluar ajo nuk i shpëtoi dot intervistës nga Erjola Doçi e cila kishte përgatitur disa pyetje pikante.
Mes tyre ishte edhe ajo se me cilin prej ish-banorëve të “BBV” nuk ka më komunikim.
Roza tha se me Eglën nuk flet, ashtu sikurse e ka bërë të ditur edhe në intervistat e mëparshme.
Biseda në studio:
Erjola: Të kemi parë korridoreve të topit, mos ke ndonjë projekt?
Roza: Momentin që do të kemi diçka konkrete për ta folur dhe gëzuar do të prononcohem për momentin po e lë pezull sepse është më profesionale kështu.
Erjola: Cilët janë banorët me të cilët nuk ke asnjë raport dhe kontakt?
Roza: Ti e di mirë, unë nëse s’kam pasur kohë që të takoj ty s’kam pasur kohë që të takoj të tjerë, në disa festa për çështje bashkëpunimi dhe koincidencë e bukur jam takuar me Françeskën, Fatjonin, gëzoj simpati për të dy.
Erjola: Me kë nuk ke fare?
Roza: Për atë që thashë do të hidhem nga ballkoni.
