Dy yjet shqiptare të Napolit, Amir Rrahmani e Elseid Hysaj kanë rezultuar negativë në testimin për COVID-19, ka konfirmuar klubi italian.
Mbrojtësit shqiptarë ishin infektuar gjatë angazhimit me kombëtaren e Kosovës, respektivisht të Shqipërisë.
“Testimet për Rrahmanin e Hysajn kanë rezultuar negativë”, thuhet në njoftimin e Napolit.
Që të dy do të jenë në dispozicion për të luajtur në sfidën e së dielës në Serie A ndaj Sampdorias.
