Rrëshqet trajleri dhe përplaset me makinën në Qafë-Thanë, ndërron jetë turistja gjermane
Një aksident rrugor me pasojë vdekjen e një shtetaseje të huaj ka ndodhur mesditën e kësaj të marte në Qafë-Thanë. Ngjarja ka ndodhur rreth orës 17:30 ku një trajler ka rrëshqitur dhe ka goditur autoveturën që drejtohej nga një shtetase gjermane që udhëtonte me bashkëshortin e saj.
Viktima është identifikuar me inicialet U. S., 56 vjeçe. Nga ana tjetër, i plagosur ka mbetur bashkëshorti i saj, 50-vjeçari P. K..
Policia ka shoqëruar në Komisariat për veprime të mëtejshme procedurale, drejtuesin e trajlerit, shtetasin serb S. M., 50 vjeç. Grupi hetimor, në bashkëpunim me Prokurorinë, po vijon veprimet në vendngjarje, me qëllim zbardhjen e rrethanave dhe shkakut të aksidentit.
Ky është aksidenti i gjashtë për sot në aksin Pogradec-Prrenjas.
