Një aeroplan i vogël është rrëzuar të dielën në Aeroportin Southend, në bregdetin juglindor të Anglisë, njoftoi policia lokale.
“Jemi aktualisht në vendngjarje dhe po bashkëpunojmë ngushtë me të gjitha shërbimet e emergjencës. Operacionet e shpëtimit dhe hetimit do të zgjasin disa orë. I bëjmë thirrje publikut të shmangë zonën derisa përpjekjet të vazhdojnë”, tha policia në një deklaratë.
Sipas mediave britanike, aeroplani i rrëzuar është një Beechcraft King Air B200 me dy motorë. Fluturimi ishte i destinuar për qytetin Lelystad në Holandë.
