“Rrini në shtëpi” është mesazhi që e kanë dhënë edhe sulmuesit e Përfaqësueses së Kosovës në futboll.

Nga shtëpia, gjigantët e sulmit, Vedat Muriqi dhe Atdhe Nuhiu, në kohën e pandemisë kanë bërë thirrje që të gjithë njerëzit të bëjnë kujdes të shtuar derisa të kalojë situata e vështirë nëpër të cilën po kalon e gjithë bota, transmeton KOHA.

Vedat Muriqi ka kaluar formë të shkëlqyer në edicionin që është ndalur në gjysmë dhe që nuk dihet se kur do të fillojë. Sulmuesi i Fenerbahçes, në 28 ndeshje në Ligën dhe Kupën e Turqisë ka realizuar 15 gola dhe gjashtë asistime.

Ndërkohë, sulmuesi i Sheffield Wednesdayt në Championship, ka statistika me 4 gola e tri asistime në 33 duele sa i ka zhvilluar.