Sipas autoriteteve ukrainase, sulmet mbi qytetin e Khrakivit kanë vijuar paraditen e së mërkurës duke shkaktuat 4 të vdekur të tjerë, deklaroi Ihor Terekhov, kryetari i bashkisë së Khrakivit.
21 vdekje dhe 112 plagosje ishin raportuar më herët nga Kharkivi. Terekhov tha për mediat: “Kharkivi është qytet që flet rusisht. 1/4 e banorëve tanë kanë farefis në Rusi. Por ndjesitë tona për Rusinë kanë ndryshuar shumë pas sulmeve”.”
“Nuk e prisnim kurrë që kjo të ndodhte. Shkatërrim i plotë, fshirje, gjenocid kundër popullit ukrainas. Kjo nuk falet!”.
Kharkiv është qyteti i dytë më i madh në Ukrainë dhe mbetet ende nën kontroll ukrainas pavarësisht sulmeve të ashpra ruse.
