Nëse nuk ju shqetëson i ftohti dhe po kërkoni një punë të re, Shërbimi Britanik i Antarktikës ka hapur vende pune në stacionet e tij kërkimore në Antarktik. Pozicionet përfshijnë kuzhinierë, hidraulikë, marangozë, operatorë makinerish, oficerë lundrimi dhe vëzhgues meteorologjikë, me paga që fillojnë nga 30 mijë paund në vit dhe pa asnjë kosto.
Jeta në Antarktik nuk është për të gjithë, pasi kontinentin e mbulon errësira për gjysmën e vitit. Mike Brian, menaxher i operacioneve në Stacionin Rothsera, tha se stacionet kanë nevojë për njerëz të zakonshëm që bëjnë punë të zakonshme, por në një vend jashtëzakonisht të vështirë.
Kontratat zgjasin nga gjashtë deri në 18 muaj, ndërsa BAS ofron akomodim, ushqim, udhëtime, veshje speciale dhe mjetet e nevojshme për punë. Phill Coolman, marangoz në Stacionin Halley VI, ka punuar aty për gjashtë vjet, duke përfituar aftësi të reja dhe përvojë të veçantë. Ai përshkruan stacionin si një “shtëpi dhe familje”, ku të gjithë punojnë së bashku për të mbajtur stacionin dhe kërkimin shkencor aktiv.
