Aiden Aslin, një britanik i kapur nga forcat ruse ndërsa luftonte për Ukrainën, u fotografua në robëri dhe fotografia e tij u shpërnda nga një llogari pro-ruse në Telegram.
Përkatësisht, 27-vjeçari lufton për marinsat e Ukrainës që nga viti 2018. Një foto që u shfaq në Twitter e tregon atë me prerje në fytyrë dhe pranga në kyçet e dorës.
Aiden nga Newark në Nottinghamshire, i cili shërbeu në Brigadën e 39-të të Marinsave ukrainas dhe më parë kishte luftuar ISIS-in në Siri, tha se nuk u kishte mbetur asnjë alternativë tjetër.
“Besoj se është ai në foto. Ne vetëm duam që ai të trajtohet në përputhje me Konventat e Gjenevës”, tha nëna e tij Ang Wood për BBC.
