Gjatë 24 orëve të kaluara, në Rusi janë regjistruar 13.868 raste të reja të koronavirusit, duke shënuar rekord të ri për numrin e rasteve për një ditë.
Kështu, numri i përgjithshëm i personave të prekur nga sëmundja Covid-19 në Rusi shkoi në 1.326.178, që është një ndër shifrat më të mëdha në botë.
Rekordi i mëhershëm i rasteve për 24 orë u shënua të dielën, kur u regjistruan 13.634 raste për një ditë, shkruan Reuters, transmeton Gazeta Express.
Përpos infektimeve, gjatë kësaj periudhe u regjistruan edhe 244 viktima të reja, që gjithashtu është shifër rekorde në shtetin më të madh në botë.
Në këtë mënyrë, numri i përgjithshëm i personave të vdekur nga pandemia shkoi në 22.966, që megjithatë është shifër shumë më e vogël në krahasim me disa vende të mëdha, si Shtetet e Bashkuara, Brazili dhe India.
