Përshkallëzohen tensionet mes Rusisë dhe Shteteve të Bashkuara. Moska ka dëbuar zëvendës ambasadorin amerikan, sipas raportimeve të agjencisë publike ruse, RIA. Motivet e këtij vendimi, kundër Bart Gorman, nuk janë ende të qarta.
SHBA konfirmoi këtë zhvillim duke e konsideruar përshkallëzues dhe bën me dije se po përgatit kundërmasa. Sekretari amerikan I mbrojtjes, Llojd Austin pretendon se trupat ruse po lëvizin më afër kufirit me Ukrainën dhe se po grumbullojnë rezerva gjaku. “Unë kam qenë vetë ushtar dhe e di se këto nuk bëhen pa arsye”, tha ish gjenerali.
Më tej shtoi se “Shtetet e Bashkuara të Amerikës do të mbrojnë, nëse duhet, çdo centimetër të territorit të NATO-s nga agresioni rus”. “Nuk kemi parë asnjë shenjë çtensionimi nga Moska”, tha Austin duke nënvizuar se Shtëpia e Bardhë po qëndron vigjilente ndaj lëvizjeve të Kremlinit.
