Ministria e Mbrojtjes e Rusisë ka publikuar një video që tregon komandantin e Flotës së Detit të Zi në një konferencë, pavarësisht se Ukraina pretendon se e ka vrarë atë.
Nuk është e qartë se kur janë filmuar pamjet, ku Viktor Sokolov shfaqet në një lidhje video me ministrin e mbrojtjes. Sipas ministrisë takimi me zyrtarët e lartë ka ndodhur të martën.
Forcat speciale të Ukrainës thanë të hënën Sokolov dhe 33 oficerë të tjerë vdiqën në një sulm me raketa në selinë e flotës në Sevastopol, në Krime.
Videoja tetë minutëshe tregon një kolegj të Ministrisë së Mbrojtjes, që thuhet se është zhvilluar mëngjesin e sotëm. Ministri i Mbrojtjes Sergey Shoygu është parë duke biseduar me zyrtarë të lartë në një sallë konferencash në Moskë.
