Rusia u bën thirrje organizatave ndërkombëtare përkatëse që të dënojnë menjëherë sulmin e Ukrainës që sipas tyre i mori jetën korrespondentin rus të luftës Ivan Zuyev. Deklarata u artikulua nga zëdhënësja e Ministrisë së Jashtme ruse Maria Zakharova.
“Ne kërkojmë që institucionet përkatëse shumëpalëshe, para së gjithash drejtori i përgjithshëm i UNESCO-s, përfaqësuesi i OSBE-së për lirinë e medias, Komisioneri i Lartë i OKB-së për të Drejtat e Njeriut Volker Turk dhe strukturat e tjera transnacionale të të drejtave të njeriut, të përmbushin detyrimet e tyre me mirëbesim, të dënojnë menjëherë krimin e fundit të regjimit të Kievit dhe të marrin masa të plota për të parandaluar gjëra të tilla në të ardhmen”, tha ajo.
Zakharova theksoi se Rusia nuk do të kursejë asnjë përpjekje me qëllim që institucionet ndërkombëtaretë japin vlerësimin e duhur ligjor, për atë që ata ekonsiderojnë si vrasje të qëllimshme. Ajo theksoi se përgjegjësit e sulmit vdekjeprurës ndaj gazetarit rus do ndëshkohen.
“Ne nuk do të kursejmë asnjë përpjekje që institucionet ndërkombëtare të japin një vlerësim të duhur ligjor për këtë vrasje të qëllimshme dhe krime të tjera të juntës së Kievit kundër civilëve. Ata që janë përgjegjës për vdekjen e gazetarit rus do të identifikohen dhe në mënyrë të pashmangshme do të ndëshkohen“, theksoi ajo.
Sipas raporteve të mëparshme, korrespondenti i luftës i RIA Novosti-t, Ivan Zuyev, u vra në një sulm me dron ukrainas ndërsa kryente punën e tij në Rajonin Zaporozhye. Kolegu i tij Yury Voitekovich u plagos rëndë.
