Flota e Rusisë në Paqësor ka lëshuar dy raketa supersonike në ujërat e Japonisë të martën në mëngjes. Lajmin e bëri të ditur Ministria ruse e Mbrojtjes.
“Dy anije raketore kryen një sulm të përbashkët kundër një mburoje detare që simulon një anije luftarake të armikut”, njoftoi ministria në një postim në Telegram.
“Objektivi u arrit me sukses në një distancë prej 100 km nga një goditje e drejtpërdrejtë prej dy raketash lundrimi Moskit”.
Manovra u krye pasi Rusia kreu stërvitje në fillim të këtij muaji në Detin e Japonisë, i njohur gjithashtu si Deti Lindor, me një nëndetëse që goditi një objektiv tokësor mbi 1,000 kilometra larg me një raketë lundrimi Kalibr, i njëjti lloj që Moska përdor rregullisht në luftën në Ukrainë.
