Autoritetet ruse janë vënë në ndjekje të një pedofili vrasës gjakftohtë, i cili përdhunoi dhe vrau me thikë dy vajzat minorene të partneres së tij, 8 dhe 13 vjeçe.
Kamerat e sigurisë e kanë kapur 41 vjeçarin Vitaly Molchanovndërsa largohet në këmbë nga banesa e tij Rybinsk pas krimit të rëndë i veshur me një kostum sportiv.
Më pas raportohet se ka hipur në një biçikletë të bardhë dhe është larguar në drejtim të paditur.
Elena dhe Yana Saprunova, 8 dhe 13 vjeçe u vranë dhe copëtuan me thikë.
Si hyri në jetën e nënës me dy vajzat vrasësi pedofil
Nëna e vajzave të ndjera, Valentina Saprunova 40 vjeçe, e divorcuar dhe me profesion infermiere, ishte zhvendosur një muaj më parë 1,600 milje nga qyteza e saj në Siberi për të jetuar me të dashurin e ri, e bindur se kishte gjetur dashurinë. Bashkë ishin njohur në një rrjet takimesh në Rusi.
Ajo nisi punë një spital në Rybinsk, në rajonin e Yaroslavl derisa një ditë i gjeti vajzat të copëtuara me thikë.
Raportet thonë se ajo nuk ishte në dijeni të së kaluarës së të dashurit të saj si vrasës i fëmijëve dhe sulmues seksual,krime për të cilat ishte dënuar në 2010.
Ai i kishte thënë asaj se ishte dënuar gabimisht, por nuk e pranoi seriozitetin e veprave penale.
Dëshmitarja e parë e krimit makabër ishte vetë nëna e vajzave e cila kur u kthye në banesa pas mbylljes së turnit në spital e gjeti banjon të mbuluar në gjak dhe vajzat e vrara.
Tashmë ajo është nën kujdesin e një psikologu policie.
Fqinjët thanë se çifti ishte shfaqur ‘i dashuruar marrëzisht’.
Ata shpesh shiheshin të kapur për dore, duke vrapuar së bashku apo duke bërë xhiro me biçikleta.
